উমুল
অপর্ণা মুর্মু (ওন্দা, বাঁকুড়া)
উমুল গোমহেড় দারে উমুল
যাহা দাব়ে উমুলরে তেঙ্গোতাহেনরে বতর বানুঃ
সিতুং,জৗপুৎ, হয়,ভান্ডো বায় দাড়েয়াম তিয়োঃ।
হোয়, আবিন গে হেমাল উরগুম দারেউমুল
জানাম দাতা, তওয়া দারে তিঞ।
সিতুং লল রে বাবা আমগে হেমাল উমুল,
কুড়হা ব়াবাং রে আয়ো আমগে উরগুম আঞ্চার
অৗডি যতন তেবিন হারা-বুরু কিদিঞ।
সিঞঅত দিসম বসমতা লেবেদ তায়নম
বারতি আঞলে আতে সেপেঞ রাকাব লিদিঞা,
কুসি রৗস্কৗ চঃচেরেজ তেবিন পেরেচ কিদিঞা।
ইঞৗঃ নাসে নাঃ হাসো, জ্বালা, আজাররে
আবিনাঃ জাপিৎ বাং হিজুঃআ মেৎরে।
যাহাতিনৗঃ কৗমি লাঙগারেহ
ইঞ সামাংব়েদ বানুঃ আৗড়িস, বেজাব়
যাহানাঃ ইঞ খজ পুব়ৗও তিঞৗবিন আবদাব়।
আবিনলেকাদ বাংক দুলৗড় দাড়েআৗঞ অকয় হড়
দরয়া খন হ গৗহিব় সেব়মা খন হ উসুল
জৗস্তি খন জৗস্তি বাং গানঃ তুলৗজখা অনা দুলৗড়।
আৗবিনাঃ নওয়া ঋন তিসরেহ বাং হালাঃ
দসার জনম মেনতে সৗব়ি যুদি যাহানাঃ মেনাঃ,
এনখান চান্দো বঙ্গা জড়তি আতেঞ নেহব়আৗয়া
এয়ৗয় জনম ভেজৗইঞমায় আবিন ঘাব়ঞ্জ তালা
এয়ৗয় জনম ভেজৗইঞমায় আবিন ঘাব়ঞ্জ তালা ।।
