জিয়ন ঢঙ্গা

অপর্ণা মুর্মু (ওন্দা, বাঁকুড়া)

ধারতীরে মৗনমী জনম জেওয়েৎ জিয়ন
সারি,আৗডি হাহাড়াঃ চট চাঁন্দো সিরজন।
হয় জিওয়ী অটাং লেনখান হয়তে গুরলৗও বাডায়,
হাসা হড়ম ঝত অতহাসারে মেসা চাবাঃ।

জানাম তরাঃ খনাঃ তিনৗঃ কুকমু বন গালাং,
বৗয়বৗয়তে সানাম হড় সালাঃ তপলঃ দুলৗড়মায়া।
জিয়ন ডাহাররে সুখ হ মেনাঃ সাওতে দুখ হ মেনাঃ,
বানার মেসাকাতে বেনাও আকান ঘারঞ্জ কুঁবা অড়াঃ।

জিয়ন তাড়াম হব়রে হোয়োঃ ঞাপাম রপড় লুমৗং-পৗতনী লেকা তলঃ সৗগৗই নাড়ি,
সৗগৗই তপাগঃব়ে মেৎদাঃ জরঃ,জলনঃ জুডৗসী জিওয়ী।

মেনখান, অক্তরেনাঃ ব়ায়ব়িত্ বাডায় বানুঃ
বিঁদি সুতৗম গানাঃ লেকা নওয়া জিয়ন,
অকাসেনাঃ গুরলৗও ঝিটৗসতে তিনরেচ্ তপাগঃ
ঝত ছিতিবিতি চাবাঃ।

এনতেরেহ, জিয়ন খান্ডাও হোয়আবোন ধারতী তালা
নওয়া গে আবোয়াঃ চাঁন্দো গড়হন জিয়নঢেঁরা,
মানওয়া তাহেন ভোর দুখ,সুখ আতে ঘারঞ্জ তালা ডয়লং চালাঃ লৗওড়িয়ৗ "জিয়ন ঢঙ্গা"॥