বীর বিরসা

অপর্ণা মুর্মু (ওন্দা, বাঁকুড়া)

উলগুলান উলগুলান নওয়া আড়াং জখন
লুতুররে তাকেরৗঞা,
নওয়া মেৎরে আমাঃ মুঠৗন গে ঝালকা অৗঞা
ধারতী আবা বির বিরসা।

জিওয়ী বাতি অন্তর আরসিরেঞ ঞেলঞাম
রাঁচি, ঝারখন্ড, পালামৌ,
ল বীর লেকা লঃকান, মডঃ মডঃ সেঙ্গেলতে
আদিবাসী হড়াঃ জীয়ন।

১৮৭৫ সাহিত ১৫ নভেম্বর ধারতী আবা বির বিরসা
জানাম লেনাম রাঁচি জেলারে,
উলি হাতুরে আপাত সুগনা মুন্ডা,
আয়ো কারমী হাতুয়াঃ ঘারঞ অড়াঃব়ে।

উলগুলান রেনাঃ সেঙ্গেল সার টুটি ম তেরাং কেদ
ব্রিটিশ কওয়া সিয়ৗজারি বিরুধ রে,
দৗউ দৗউ জোলোঃ সেঙ্গেল, দঁগয় দঁগয় ধুঁওয়ৗ পাসনাও এনা
সিঞ অত ভারত দিশম রে।

ইংরেজকওয়াঃ সেঙ্গেল বারুদ,
বীর বিরসা তেরাং সার
এতহব এনা লৗড়হাই, লিঙ্গিয়েনা মায়াম
গাবাও এনা,
দিশম লৗড়হাই টান্ডি, বিরবুরু ঝারনা
অলেনা নাগাম,
লহৎ এনা ধারতী আয়ো কড়াম।

দিশম ফুরগৗল নাগাম উলগুলান রে
আমাঃ এনেম যায়যুগ তাহেন খদা,
ধারতীরে জিওয়ী তাহেন ধাবিজ জিয়ৗড়েম তাহেন
আমগে ধারতী আবা বীর বিরসা।।